ᐊᒪᐅᓰᑦ ᐱᒋᐊᖅᑎᑦᓯᕗᑦ ᐊᕐᓇᐃᑦ ᒐᕙᒪᑯᓐᓂ ᑐᓴᐅᒪᑎᑦᓯᓂᕐᒧᑦ ᓴᕿᑎᑦᓯᓂᖓᓐᓂᒃ

ᐅᑉᓗᒥ ᓇᓪᓕᐅᑎᑦᓯᒪᕗᖅ ᓴᕿᑎᑦᓯᓂᕐᒥᒃ ᐊᒪᐅᑏᑦ ᓄᓇᕘᒻᒥ ᐊᕐᓇᑦ ᐃᓄᐃᑦ ᑲᑐᔨᖃᑎᒌᖏᓐᓂ (ᐊᒪᐅᑏᑦ) ᒐᕙᒪᑯᓐᓂ ᑐᓴᒐᒃᓴᒥᒃ ᓴᕿᑎᑦᓯᓂᕐᒥᒃ ᓄᓇᕘᓗᒃᑖᒻᒥ. ᑕᒻᓇ ᑐᑭᓯᑲᓂᕈᑕᐅᔪᖅ ᖃᑉᓯᐅᓂᖏᓐᓂᒃᒃ ᐊᕐᓇᐃᑦ ᓂᕈᐊᒐᐅᓯᒪᔪᑦ ᒪᓕᒐᓕᐅᖅᑎᖑᖅᑎᑕᐅᑉᓗᑎᒃ ᐊᒻᒪ ᑲᓇᑕᐅᑉ ᒐᕙᒪᖏᓐᓂ ᑭᒐᖅᑐᖅᑎᖑᖅᑎᑕᐅᑉᓗᑎᒃ ᑕᐃᒪᖓᑦ ᓄᓇᕘᑖᓚᐅᕐᓂᖓᓂ ᐅᑉᓗᒥᒧᑦ ᑎᑭᓪᓗᒍ (1999 – 2023).

ᖃᐅᔨᓴᒐᐅᓐᓂᑯᓂ ᑲᓇᑕᐅᑉ ᒐᕙᒪᖏᓐᓂ ᑲᑐᔨᖃᑎᒌᓂᑦ) ᓯᓚᕐᔪᐊᕐᒥ ᐊᕐᓇᐃᑦ ᒪᓕᒐᓕᐅᖅᑎᖑᖅᑎᑕᐅᓯᒪᔪᑦ ᖃᓂᒋᔭᖓᓂᓯᐅᖅᑐᑦ 26 ᐳᓴᖑᑉᓗᑎᒃ, 5 ᐳᓴᓐᒥᒃ ᖁᑎᖕᓂᖅᓴᐅᑉᓗᑎᒃ ᓄᓇᕘᒻᒥ ᖃᐅᔨᓴᒐᐅᓂᑯᓐᓂᑦ ᓂᕈᐊᒐᐅᓯᒪᔪᑦ ᒪᓕᒐᓕᐅᖅᑎᐅᓂᐊᓕᕐᓗᑎᒃ. ᑕᒻᓇ ᐱᐅᓂᖅᓴᒧᑦ ᓴᕿᑎᑦᓯᕙᓪᓕᐊᔪᖅ ᐊᕐᓇᐃᑦ ᑲᓇᑕᒻᒥ 88 ᐳᓴᓐᒥᒃ ᓄᓇᕘᒥ ᒪᓕᒐᓕᐅᖅᑎᖑᖅᑎᑕᐅᓯᒪᓂᖏᓐᓂ ᑕᐃᒪᖓᑦ ᓄᓇᕘᑖᓚᐅᖅᑎᓪᓗᒍ 199−ᒥ. ᑭᓯᐊᓐᓂ 16 ᐳᓴᓐᓴᐃᑦ ᐊᒻᒪ 33 ᐳᓴᓐ ᓯᕗᓕᖅᑎᐅᑉ ᑐᖏᓕᖓᓄᑦ ᐃᓕᔭᐅᓯᒪᕗᑦ ᑕᐃᒪᖓᑦ 1999 ᐊᕐᓇᐃᑦ, ᑭᓯᐊᓐᓂ ᐅᖃᖅᑎᒻᒧᑦ ᐃᓕᔭᐅᓯᒪᔪᖃᖏᓗᓂ ᒪᓕᒐᓕᐅᕐᕕᖕᖕᒥ ᐊᕐᓇᐅᑉᓗᑎᒃ.

ᑖᒻᓇ ᐊᑕᐅᓯᐅᖃᑎᒌᓕᖅᑎᑦᓯᑉᓗᓂ ᓯᓚᕐᔪᐊᕐᒥ ᐊᑐᖅᑕᐅᕙᓪᓕᐊᔪᒻᒥᒃ ᖁᑦᑎᖕᓂᖅᓴᓐᓂ ᑭᒐᖅᑐᐃᕙᓪᓕᐊᓂᕐᒥᒃ ᐊᕐᓇᓂᒃ ᐅᑭᐅᓐᓂ ᐱᐊᓂᒃᓯᒪᔪᓂ, ᑭᓯᐊᓐᓂ ᑕᑯᑎᑦᓯᑉᓗᓂᓗ ᐊᔨᒌᖕᖏᓂᖏᓐᓂᒃ ᐊᕐᓇᐃᑦ ᐊᖑᑎᓪᓗ ᐊᒻᒪ ᑭᒐᖅᑐᖅᑕᐅᔪᑦ ᐅᑉᓗᐅᒥᐅᔪᖅ ᐊᑐᖅᑕᐅᔪᑦ ᓱᓕ.

ᐊᒪᐅᑏᑦ ᑐᓂᓯᒪᖕᒪᑕ ᐋᕿᐅᒪᑎᑦᓯᓂᕐᒥᒃ ᐃᓅᓯᖏᓐᓂᒃ ᐊᕐᓇᐃᑦ ᓄᓇᕘᒻᒥ ᐃᓚᒌᓐᓂ ᕿᑐᕋᕇᓂᒡᓗ ᖃᐅᔨᓴᕐᓂᑯᑦ, ᓴᕿᑎᑦᓯᓂᒃᑯᓪᓗ ᐊᒻᒪ ᐱᕈᖅᐸᓕᐊᑎᑦᓯᓂᕐᒥᒃ ᐱᓕᕆᖃᑎᒌᒡᓂᕐᒥᒃ ᐊᐅᓚᑦᓯᔨᐅᔪᓂ ᓯᓚᑖᓐᓂ ᓄᓇᕘᑉ ᐃᑲᔪᒐᐅᓗᑎᒡᓗ ᐅᖃᖃᑎᖃᕐᓂᑯᑦ ᒐᕙᒪᓐᓂ ᐱᔨᑦᓯᖅᐸᒃᑐᓂᒡᓗ ᐱᔪᖕᓇᐅᑎᖏᑦ ᐊᑐᕆᐊᓖᓪᓗ ᐊᕐᓇᐃᑦ ᐊᒻᒪ ᐃᓚᖏᑦ.

ᑖᒻᓇ ᑕᑯᔭᒃᓴᐅᔪᖅ ᓯᕗᓪᓕᐅᑉᓗᓂ ᓂᕈᐊᒐᐅᓯᒪᔪᑦ ᑲᑎᒪᔨᐅᔪᓐᓂ ᓄᓇᕘᒻᒥ, ᐱᓕᕆᐊᖑᔪᖅ ᐅᑉᓗᒥᐅᔪᖅ ᖃᐅᔨᓴᕐᓂᑯᑦ ᖃᓄᐃᓐᓂᖏᓐᓂᒃ ᐊᕐᓇᐃᑦ ᒐᕙᒪᓂᖔᖅᑐᑦ ᓄᓇᖃᕐᓂᖏᓐᓂᒃ ᑐᓴᒐᒃᓴᐅᓂᖏᓐᓂᒡᓗ ᓄᓇᕘᓗᒃᑖᒻᒥ.

For more information contact: admin@amautiit.linode